Fase Galicia

O intercambio triautonómico de EduCO2cean dirixido por Climántica constou de tres fases. A primeira foi a de Canarias, na que estudantes galegos de 4º da ESO se desprazaron ata Tenerife, onde coñeceron aos seus pares de intercambio cos que desfrutaron dunha semana do clima de Canarias.

A seguinte fase desenvolveuse en Galicia, dende o 17 ata o 24 de abril. Estudantes canarios e segovianos conviviron con nós durante unha semana na que coñeceron un pouco da nosa provincia (A Coruña).

 O mércores 19 o IES Praia Barraña, organizou unha saída a Sálvora onde puidemos acompañalos a visitar esta illa pertencente ao Parque Natural das Illas Atlánticas.

O venres 21, desprazámonos a Noia, onde no Coliseo Noela presentamos os traballos realizados por todos os alumnos ademáis de escoitar dúas conferencias de Ángel Carracedo e Emilio Fernández.

O luns 24 saímos cara Santiago, onde desfrutamos dunha ruta guiada pola zona antiga que rematou na Praza do Obradoiro, antes de tomar rumbo a Segovia.

Foto nos Castros de Baroña coa miña compañeira de intercambio